ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |

អគ្គនាយក ILO ជួបប្រធាន FIFA ជជែកលើបញ្ហាសិទ្ធិការងាររបស់ប្រទេសជាម្ចាស់ផ្ទះ World Cup

  • ចុះផ្សាយថ្ងៃទី០៥ ខែធ្នូ ឆ្នាំ២០២២ ម៉ោង ១០:៤៤ នាទី ដោយ Mesa
  • 2008
  Aa |   aA

អន្តរជាតិ៖ អគ្គនាយក ទទួលបន្ទុកការងារនៃអង្គការសហប្រជាជាតិ (UN) កាលពីថ្ងៃអាទិត្យម្សិលមិញនេះ បានស្នើឱ្យប្រធានសមាគមបាល់ទាត់ពិភពលោក FIFA គប្បីយកចិត្តទុកដាក់ឱ្យបានខ្ពស់ជាងនេះទៅលើបញ្ហាពាក់ព័ន្ធនឹងការងារពលកម្មរបស់ប្រទេសដែលជាអនាគតម្ចាស់ផ្ទះ FIFA World Cup។

លោក Gilbert Houngbo អគ្គនាយកអង្គការពលកម្មអន្តរជាតិ (ILO) បានលើកឡើងនៅថ្ងៃអាទិត្យម្សិលមិញមុនជំនួបជាមួយប្រធានសមាគមបាល់ទាត់ពិភពលោក (FIFA) លោក Gianni Infantino បញ្ហាដែលកើតមាននៅកាតា ជុំវិញការត្រៀមខ្លួនជាម្ចាស់ផ្ទះព្រឹត្តិការណ៍ FIFA World Cup ឆ្នាំ២០២២ នេះ គឺជាមេរៀនដែលទាមទារឱ្យមានការយកចិត្តទុកដាក់បន្ថែម ជាពិសេសចំពោះប្រទេសដែលជាម្ចាស់ផ្ទះ World Cup នាពេលអនាគត។ 

FIFA បានទទួលរងការរិះគន់ជាបន្តបន្ទាប់ ទាក់ទងនឹងការព្រងើយកន្តើយទៅលើបញ្ហាសិទ្ធិការងាររបស់ពលករចំណាកស្រុកដែលមកបំពេញការងារនៅកាតា ជាពិសេសការសាងសង់ហេដ្ឋារចនាសម្ព័ន្ធយ៉ាងសម្បើមសម្រាប់ត្រៀមជាម្ចាស់ផ្ទះ FIFA World Cup ក្រោយកាតាឈ្នះការដេញថ្លៃជាម្ចាស់ផ្ទះបាល់ទាត់ពិភពលោកនៅឆ្នាំ ២០១០។ បញ្ហាធ្ងន់ធ្ងរដែលត្រូវគេរិះគន់ពាក់ព័ន្ធនឹងការស្លាប់កម្មកររាប់ពាន់នាក់ ដែលភាគច្រើនជាពលករចំណាកស្រុកមកពីឥណ្ឌា ប៉ាគីស្ថាន បង់ក្លាដែស និងស្រីលង្កាជាដើម រួមនិងបញ្ហាផ្សេងទៀតដូចជាការមិនបើកប្រាក់ឈ្នួល និងការធ្វើការលើសកម្រិតក្រោមសីតុណ្ហភាពក្តៅខ្លាំងនៅកាតានារដូវក្តៅ។ 

អគ្គនាយក ILO ដដែលបានបន្តថា ការគោរពសិទ្ធិការងារដ៏ត្រឹមត្រូវ ក៏ត្រូវរួមបញ្ចូលទាំងការយកចិត្តទុកដាក់ដល់សុខុមាលភាព បរិយាកាសការងារ​ និងសុវត្ថិភាពរបស់កម្មករផងដែរ។ លោកបន្តថា មិនត្រឹមតែការយកចិត្តទុកដាក់លើប្រទេសជាម្ចាស់ផ្ទះ FIFA ប៉ុណ្ណោះទេ ការជជែកនេះក៏៏នឹងផ្តោតទៅប្រទេសជាម្ចាស់ផ្ទះព្រឹត្តិការណ៍កីឡាធំៗផ្សេងទៀតរួមទាំងកីឡាអូឡាំពិកផងដែរ។ 

គួរបញ្ជាក់ថា បន្ទាប់ពីបញ្ចប់ព្រឹត្តិការណ៍ FIFA World Cup ២០២២ នៅកាតា ប្រទេសដែលជាម្ចាស់ផ្ទះបន្តរួមមាន សហរដ្ឋអាមេរិក, កាណាដា និងម៉ិចស៊ិចកូ ដែលជាសហម្ចាស់ផ្ទះនៅឆ្នាំ២០២៦ ខណៈម្ចាស់ផ្ទះឆ្នាំ២០៣០ នៅមិនទាន់ប្រកាសជាផ្លូវការនៅឡើយ៕



ព័ត៌មានជាច្រើនទៀតសម្រាប់អ្នក